Finnmárku – Gos niegut ollašuvvet

Geavahit gelbbolašvuođa

Beassá geavahit gelbbolašvuođas – ja vel eanet

Fargga vihtta jagi lea petroleainšenevra Astrid M. Tugwell beassan geavahit gelbbolašvuođas ruovttus Finnmárkkus. Ákšovuona nisu fárrii ruoktot Davvi-Norgii go oljofitnodat North Energy ásahuvvui. Su brihttalaš isit ja sudno golbma máná čuvvo mielde.

Tugwell čađahii petroleainšenevra oahpu Skottlánddas ja barggai oanehisáiggi Oljodirektoráhtas Stavangeris ovdal go čuovui Shell fitnodaga olgoriikii. Son barggai lagabui 20 jagi gávpevuođđudusas, beali olgoriikkas ja beali Stavangeris.

-Álggos mun bargen moadde jagi bohkanrusttegiin oahppan dihtii fága vuođu rájes, ja go mus lei miella ieš álggahit dákkár doaimmaid de heivii bures álgit justa dien dásis, lohká Tugwell.

Maŋŋil lea son leamaš sadjásašinšenevra ja jođihan olu oljo- ja gássafitnodagaid Eurohpás, earret eará Ormen Lange olggobealde Mørerittu dan gelddolaš áiggis go gávdnosat galge ráddjejuvvot ja huksenčovdosat válljejuvvot. Tugwell lea maid čađahan plánen- ja ekonomiijadoaimmaid, ovdal go álggii Draugen oljobohkan fitnodaga Development Leader ámmáhii.

Mørerittu prošeavttaid bokte šattai sus eanet miella ieš leat mieleaiggádin oljo- ja gássaprošeavttain, ja go Davvi-Norgga iežas oljofitnodat ásahuvvui Áltái oaččui son vejolašvuođa fárret ruoktot. Dáppe son beassá geavahit gelbbolašvuođas dakkár gávpevuođđudusas mii lea huksejuvvon searvan ja árvoháhkama áigumušaid ala. Son lea daid maŋimuš jagiid beassan leat mielde huksemin oljočuoikka
gávpevuođđudussan mii lea ožžon bohkanlobiid sihke Davviábis, Norggaábis ja Barentsábis, ja mii jođiha guokte oljobohkanfitnodaga Norggaábis.

-Dán áiggis lean oahppan hui olu. Bargat smávva, easkka álggahuvvon fitnodagas lea sihke hástaleaddji ja ovdánahtti, go sulastahttá stuora fitnodagaid ektui. Smávva fitnodagas ferte buotlágan máhtu geavahit, maiddái olggobealde iežas akademalaš fágasuorggi. Mus lea leamaš
vejolašvuohta ovddidit gelbbolašvuođa mii mus lea dán suorggis. Gávpevuođđudusa searvan olgguldas áššiide ja beroštupmi leat váikkuhan dasa ahte mii dávjá bovdejuvvot oassálastit ovddidanproseassaide mat gusket oljo- ja gássaealáhusaide dan guovllus gos mii orrut. Dát addá
munnje vejolašvuođaid geavahit iežan máhtu ja čehppodaga mii livčče váddásat stuorit vuođđudusas Stavanger-guovllus, ja min oassálastin lea mielde ollašuhttimin oljo- ja gássaealáhusa áigumušaid davvin, cealká Tugwell.