Finnmárku – Gos niegut ollašuvvet

Valáštallan

Valáštallamis leat guhkes ja buorit árbevierut Finnmárkkus. Fylkkas leat bajásšaddan máŋga valáštallančeahppi ee. čuoigamis, spábbačiekčamis, giehtaspáppastallamis, vuojadeamis ja fággádallamis. Ollu searvvit ja ovttastumit, erenoamážit spábbačiekčamis ja giehtaspáppastallamis geasuhit nuoraid. Juohke jagi lágiduvvo Davvi-Norgga stuorimus spábbačiekčamat agi mielde Álttás; Altaturneringen.

Valáštallanrusttegiid nu go vuojadan- ja spábbačiekčanhállaid ja čuoigan- ja čuovgaláhtuid lea álki gávdnat ja dat leat ávkkálaččat dálvevaláštallamiidda. Finnmárkkus gávdnojit valáštallanfálaldagat mat eai leat nu dábálaččat muđui riikkas, nugo muohtaskohter, heargevuodjin ja beanavuodjin. Juohke jagi lágiduvvo Eurohpá guhkimus ja máilmmi davimus beanagilvu, Finnmárkku beanagilvu, mas vuolgga ja boahtin lea Álttás, maŋŋil go lea vuodján miehtá fylkka ja jorgalan Girkonjárggas.

Dálvit lea Várjjagis buorre siivu sabetborjjasteapmái ja čeasanii. Guhkes dálvi, áibmadas duottarguovllut gos lea garra biegga, heivejit bures sabetborjjasteapmái. Juohke jagi lágiduvvo Varjjat Arctic Kite Enduro, mii lea guhkes sabetborjjasteapmi man lávdin lea olles Várnjárga.

Eanet dieđuid gávnnat maiddái Finnmárkku valáštallanbiire neahttasiidduin.