Finnmárku – Gos niegut ollašuvvet

Ekonomalaš ovdamunit

Dat lea máŋga ekonomalaš ovdamuni orrut ja bargat riikka davimus guovllus. Dát guoská sihke ovttaskas olbmui ja fitnodagaide mat leat ásahuvvon Finnmárkui dahje Davvi-Romsii. Vuođđun dasa lea ahte Stuoradiggi jagi 1990 mearridii ásahit sierra doaibmaguovllu Davvi-Romsii ja Finnmárkui.

Doaibmabijut fitnodagaid várás addet buriid rámmaeavttuid sihke ásahuvvon fitnodagaide ja easkkaálggaheddjiide. Eanaš fitnodagat eai dárbbaš máksit bargoaddidivada ja eaige el-rávdnjedivada. Oktagaslaš doaibmabijut váikkuhit ahte Finnmárkku ássit mákset uhcit vearu ja lohkanloatna vuoliduvvo jahkásaččat. Maŋimuš doaibmabidju lea okta Norgga buoremus priváhtaekonomalaš ortnet.

Vuoliduvvon lohkanloatna dahká jahkásaččat eanemus 25.000,- kruvnnu ja meroštallamat duođaštit ahte ekonomalaš gaskaoamit njealji olbmo bearrašii dahket jahkásaččat oktiibuot 100.000,- kruvnnu.

“Min Finnmárkkurehketmašiinnain don sáhtát iskat man ollu Finnmárkku ekonomalaš ovdámunit mearkkášit dutnje.”