Finnmárku – Gos niegut ollašuvvet

Dieðut Finnmárkku birra

Finnmárkku fylka lea riikka davimus ja nuortaleamos. Fylkkas lea stuorimus areála (48.637 njealjehaskilomehter) ja ássiid lohku lea unnimus eará Norgga fylkkaid ektui. Eanaš oassi Finnmárkku eatnamiin (95%) gulai ovdal stáhtii, muhto suoidnemánus 2006 fievrriduvvojedje
Finnmárkkuopmodahkii. Jos vel Davvenjárga dábálaččat rehkenastojuvvo davimus guovlun Eurohpás, de lea Gidnegeahčči Čorgašnjárggas davimus guovlu nannámis. Nuortaleamos guovlu lea Hornøya Várggáid gielddas. Finnmárkkus leat ráját Romssa fylkii, Davvijiekŋaáhpái, Barentsáhpái, Supmii ja Ruššii.

Finnmárkkus leat 19 gieldda. Guhtta dain leat gávpotgielddat: Áltá (gávpotstáhtus 2001:s), Mátta-Várjjat (gieldaguovddáš Girkonjárga oaččui gávpotstáhtusa 1998:s), Davvenjárga (gieldaguovddáš Honnesváhki oaččui gávpotstáhtusa 1996:s), Čáhcesuolu (1833), Hámmarfeasta (1789) ja Várggát (1789). Eará gielddat leat: Bearalváhki, Báhcavuotna, Gáŋgaviika, Ákŋoluokta, Kárášjohka, Guovdageaidnu, Fálesnuorri, Davvesiida, Láhpi, Muosát, Unjárga, Porsáŋgu ja Deatnu.

Eanemus ássit orrot Álttás, Hámmarfeasttas ja Girkonjárggas. Fylkkaoaivegávpot lea Čáhcesuolu, gos leat stáhta- ja fylkkahálddahusat. Jagi 2007 rájes leat ássiid lohku laskan. Váldosivat leat ahte riegádahttimat ja sisafárrejeaddjit leat lassánan. Olmmošlohku 010114 lei 75 207 ássái.


Eará dieđut:

Alimus várrečohkka: Ákšovuonjiehkki (1175,4/1204 m.b.m.) Gáldu: Stáhta Kártadoaimmahat

Stuorimus jávri: Iešjávri (68 m2)

Guhkimus johka: Deanujohka (369 km dáža/suoma) ja Báhčaveaijohka (387 km dáža/ruošša/suoma)

Fylkkarássi: Luomi

Fylkkaloddi: Rievssat

Fylkkageađgi: Kvarcihttaráktu

Oaččut eanet dieđuid jos čuovut Finnmárkkumedia.