Finnmárku – Gos niegut ollašuvvet

Mátkkoštit Finnmárkkus

Jos háliidat johtit Finnmárkkus, de gávdnojit máŋggalágan mátkkoštanvuogit.

Juohke beaivvi vulget Oslos njuolggogirdit Áltái ja Girkonjárgii, ja muđuige leat girdifálaldagat eará gielddaide fylkkas. Girdináigi Oslos

Áltái/Girkonjárgii lea sullii 2 diimmu. Finnmárkkus leat girdišiljut čuovvovaš báikkiin: Álttás, Leavnnjas, Ákŋoluovttas, Hámmarfeasttas, Honnesvágis, Donjevuonas, Bearalvágis, Báhcavuonas, Várggáin, Čáhcesullos ja Girkonjárggas. Widerøe, Norwegian ja SAS fuolahit girdibálvalusaid Finnmárkkus.

Finnmárkkus leat hui buorit mátkkoštanvejolašvuođat fatnasiin ja fearggain mat johtet máŋgii beaivvis. Ruvttotabeallaid ja eanet dieđuid gávnnat Boreal Transport Nord ruovttusiidduin. Hurtigruten ládde 11 hámmanis miehtá Finnmárkurittu. Hámmanat leat Girkonjárggas, Čáhcesullos (dušše davás guvlui), Várggáin, Báhcavuonas, Bearalvágis, Donjevuonas, Gilevuonas, Honnesvágis, Ávanuoris, Hámmarfeasttas ja Ákšovuonas.

Don sáhtát maid mátkkoštit iežat biillain, láigobiillain dahje bussiin. Guovllus leat buorit bussefálaldagat. Dáid doaimmahit iešguđetlágan bussefitnodagat. Eanet dieđuid ja ruvttotabeallaid gávnnat Boreal Tronsport Nord neahttasiidduin.

177finnmark.no neahttasiiddus gávdnat buot fierpmádagaid, mátkeplánen ávdnasa ja app`a giehtatelefuvnnaide.