Finnmárku – Gos niegut ollašuvvet

Astoáigi ja vásáhusat

Finnmárkkus leat lohkameahttun olu friddjaáiggi vejolašvuođat, searvat juogo organiserejuvvon doaimmaide dahje ieš fuobmát juoga maid háliidat bargat friddjaáiggis. Ja friddjaáigi ii soaitte váilut jos fárret davásguvlui. Smávit servodagain lea “buot” olu lagabus go stuorit gávpogiin, ja ii dárbbaš vásihit guhkes biilaráidduid ja guhkes gaskkaid go máná galgá lágidit mánáidgárdái dahje skuvlii.

Dáppe ii dárbbaš vuolgit nu guhkás go háliida meahccái. Olu báikkiin lea dušše vázzilit olggos, de lea juo luonddus – geassit, čakčat, dálvit ja giđđat. Finnmárkkuopmodat muitala bivddu ja guolásteami birra. Davvi-Norgga almmolaš mátkeofelaš čilge dárkilit makkár fálaldagat gávdnojit fylkkas. Muđui gávnnat dieđuid gielddaid ruovttusiidduin. Daid gávnnat dás.