Finnmárku – Gos niegut ollašuvvet

Bargu ja oahppu

Finnmárkkus leat bures huksejuvvon skuvlafálaldagat, sihke gielddaid vuođđoskuvllain, joatkkaskuvllain, álbmotallaskuvllain, fágaskuvllain, allaskuvllain ja universitehta. Finnmárkkus lea vejolaš álggahit oahpu mánáidgárdedásis ja loahpahit UiT Norrgga árktalaš universitehta, ovdamearkka dihte masteroahpu mátkeealáhusas dahje spesiálapedagogihkas ja heivehuvvon oahpahusas. Máŋggas válljejit čađahit gáiddusoahpahusa eará allaskuvllain Norggas vaikke vel ásset ge davvin.

UiT Norrgga árktalaš universitehta lea Álttás, muhto fállá oahpuid eará báikkiin nugo buohccedivššároahpu Hámmarfeasttas, ja eará oahpuid Girkonjárggas ja olgoriikkas. Guovdageainnus lea Sámi Allaskuvla/Samisk høgskole mii Romssa Universitehtain ovttas fállá gáiddus oahpahusa olu fágasurggiin. Báikkálaš oahpahus ovttas bargoeallimiin (LOSA) lea joatkkaoahppofálaldat Finnmárkkus mas lea gáiddus oahppostruktuvra gos eanaš oahpahus dáhpáhuvvá jietna/govvastudios.

Don gii áiddo leat váldán oahpu ja maiddái don geas lea bargohárjáneapmi sáhttibeahtti oažžut gelddolaš hástalusaid Finnmárkkus. Sivvan dasa lea ahte fylkkas leat uhcán ássit ja don šattat bargat viidát ja eanet iežat fágasuorggi siskkobealde go dan maid lea dábálaš stuorit guovllus. Bargosajit leat olu ja máŋggabealat, ja fylkka ealáhusat dárbbašit bargofámuid.