Finnmárku – Gos niegut ollašuvvet

Amas Finnmárkkus?

Finnmárkku geográfalaš sajádat lahka Barentsábi ja Ruošša ja EO-riikka Suoma lagamus kránnján, daguha fylkka erenoamáš dillái. Historjá čájeha ahte fylka lea soahtevárjalus ja sihkkarvuođapolitihkalaš rašis guovllus gos lea viiddis luondduriggodagat. Finnmárku ja Suoma, Ruoŧa
ja Ruošša rádjeguovllut leat maiddái sámi álbmoga geográfalaš váldoguovllut.

Barentsguovllu ásaheapmi, EES-šiehtadus ja Suoma ja Ruoŧa searvan EO:i lea rievdadan dehálaš rámmaeavttuid. Árbevirolaččat lea Finnmárkku fylkkagielddas leamaš riikkaidgaskasaš áŋgiruššan Davvikalohtas ja buohtalaga Murmánskka ja Arkhangelska hálddahusaiguin. Finnmárkku
guovllupolitihkalaš barggus lea garra riikkaidgaskasaš dimenšuvdna, mii bođii ovdan earret eará dalle go Norga ja Ruošša soabadeigga dan nu gohčoduvvon Barentsábi juohkinlinjá giđđat 2010.

Máŋggas oaivvildit ahte Finnmárku lea okta Norgga deháleamos ovdánahttinguovlu lagamus logi jagi. Sivvan dasa lea ahte dáppe leat dehálaš luondduriggodagat. Ođđa ealáhusaid ásaheamis olusat árvvoštallet Finnmárkku ja davviguovlluid.